بسم الله الرحمن الرحيم
1- بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابنى متبقاش مبذر بابا واحده كفاية
2- واحد رخم عرف ان الأموات بتحس وتسمع اللى حواليها راح عند المقابر وشغل الكاسيت على العالى على اغنية(الحياة حلوة)
3-مسطول بيقول لصاحبه: يا أخي إمبارح دخلت فلم هندي هايل بتاع راجل وست ماشيين في الشارع لقوا طفلة مولودة في اللفة خدوها وربوها لغاية ما كبرت وفي الآخر
طلعت أمهم
4- واحد بخيل ركب تاكسى ، فجأة التاكسى نزل على منحدر شديد ، فالسواق بيصوت ويقول : مش عارف اوقف التاكسى ، فرد الراكب : وقف العداد بسرعة
5- مرة واحد بخيل نايم بيموت واولاده قاعدين حواليه فبيسال مراته انتى جانبى قالتله اه هنا جانبك والعيال هنا رد اولاده اه يا بابا كلنا حواليك قالهم لما انتو كلكم هنا امال مين اللى مولع النور اللى برة
6- مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال
للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس